வீழ்ச்சியடைந்த பணவீக்கம்

2025 பெப்ரவரி மாதத்திற்கான கொழும்பு நுகர்வோர் விலைச் சுட்டெண் மற்றும் கொழும்பு நகர்ப்புற சமூகத்தின் நுகர்வோர் பணவீக்க வீதம் மேலும் குறைந்துள்ளது.

நுகர்வோர் பணவீக்க வீதம்

கொழும்பு நகர்ப்புற சமூகத்தின் நுகர்வோர் பணவீக்க வீதம் 2025 பெப்ரவரி மாதத்தில் -4.2% ஆகக் குறைந்துள்ளதாக மக்கள் தொகைக் கணக்கெடுப்பு மற்றும் புள்ளிவிபரத் திணைக்களம் வெளியிட்ட  அறிவிப்பில் குறிப்பிடப்பட்டுள்ளது.

நுகர்வோர் பணவீக்க வீதம் 2025 ஜனவரி மாதத்தில் -4.0% ஆக பதிவாகியிருந்தது. அதேபோல், 2025 பெப்ரவரி மாதத்தில் உணவுப் பிரிவின் ஆண்டு பணவீக்கம் -0.2% ஆக உயர்ந்துள்ளது. இது 2025 ஜனவரி மாதத்தில் -2.6% ஆக பதிவாகியிருந்ததாக குறிப்பிடபட்டுள்ளது.

மேலும், 2025 பெப்ரவரி மாதத்தில் உணவு அல்லாத பிரிவின் ஆண்டு பணவீக்கம் -6.1% ஆகக் குறைந்துள்ளது. இது 2025 ஜனவரி மாதத்தில் -4.7% ஆக பதிவாகியிருந்தாக குறிப்பிடப்பட்டுள்ளது.