நாட்டின் யானை வளங்களை நிர்வகிக்க உடனடியாக யானை கணக்கெடுப்பு நடத்தப்பட வேண்டும் என்று களுத்துறை மாவட்ட நாடாளுமன்ற உறுப்பினர் அஜித்.பி.பெரேரா நாடாளுமன்றத்தில் தெரிவித்துள்ளார்.
இந்த நாட்டில் மனித – யானை பிரச்சினை மிகவும் கடுமையானது. பயிர்கள் சேதமடைவதுடன், உயிர்களும் இழக்கப்படுகின்றன.
சில பகுதிகளில் வளர்ச்சி தடைபட்டுள்ளது. இந்த நாட்டில் யானைகளின் எண்ணிக்கை குறித்து கணக்கெடுப்பு நடத்தப்பட வேண்டும்.
கடைசியாக 2011 இல் கணக்கெடுப்பு நடத்தப்பட்டபோது 5,879 யானைகள் இருந்தன.
யானை வளங்களை நிர்வகிக்க இன்னும் யானை கணக்கெடுப்பு நடத்தப்படவில்லை. சுற்றுலாத் துறையின் வளர்ச்சிக்கும், மனித – யானை மோதலை நிறுத்துவதற்கும் யானை கணக்கெடுப்பு நடத்தப்பட வேண்டும்என குறிப்பிட்டுள்ளார்.