ஆசிய பணக்காரர்களில் முதலிடம் பிடித்த முகேஷ் அம்பானி

ஆசிய பணக்கார குடும்பங்களின் பட்டியலை புளூம்பெர்க் நிறுவனம் வெளியிட்டுள்ள நிலையில் இந்திய தொழிலதிபர் முகேஷ் அம்பானி முதலிடத்தில் உள்ளார்.

இதில் முதல் இடத்தில் முகேஷ் அம்பானியின் குடும்பம் உள்ளது. மேலும் முதல் 20 இடங்களில் 6 இந்தியர்களின் குடும்பங்கள் இடம்பெற்றுள்ளன.

முதல் 20 இடங்களில் 6 இந்தியர்களின் குடும்பங்கள்

இந்த பட்டியலில் முதலிடத்தில் உள்ள தொழில் அதிபர் முகேஷ் அம்பானி குடும்பத்தின் சொத்து மதிப்பு ரூ.7.85 லட்சம் கோடி ஆகும்.

ரிலையன்ஸ் இண்டஸ்ட்ரீஸ் நிறுவனத்தை முகேஷ் அம்பானி மேற்பார்வையிட்டு வருகிறார். 4-வது இடத்தில் இந்தியாவை சேர்ந்த தொழில் அதிபர் மிஸ்திரியின் குடும்பம் உள்ளது.

இவர்களின் சொத்து மதிப்பு ரூ.3.25 லட்சம் கோடி ஆகும். இவர்களின் குடும்பம் ஷபூர்ஜி பல்லோன்ஜி குழும நிறுவனங்களை நடத்தி வருகிறது. டாடா சன்ஸ் நிறுவனத்தில் குறிப்பிடத்தக்க பங்குகளை வைத்திருக்கிறது.

அதேவேளை இந்தியாவை சேர்ந்த ஜிண்டால் குடும்பம் 7-வது இடத்தில் உள்ளது. இந்த குடும்பத்தின் சொத்து மதிப்பு ரூ.2.43 லட்சம் கோடி ஆகும். இந்த குடும்பம் ஓபி ஜிண்டால் குழும நிறுவனங்களை நடத்தி வருகிறது.